近況 (II)

「張神醫約我食飯,咁我咪去囉……點知!」(點知咩呀?)

「竟然去左天壐既私人會所,High class到!」(我同同學D:……)

「得兩圍台,完全唔知神醫點樣可以將入場券搞到手!我都無見過咁大場面。」

(我對住我碟$24既栗子炆雞,心當然有D戚戚然)

「然後仲有試酒環節。我地呢圍已經算係碎料,隔離台全部都係D大陸人,應該係大款黎,然後有個法國既酒莊莊主黎左,條友講左一大輪,又一人一枝酒,仲要幫我地係酒果度簽名。驚人。」

(同窗D:你地係咪係另一個世界到黎呀)

「張神醫真係好勁呀……依家又識攝影又結他又盛……問佢做咩咁勁,佢只係話:我呢排想自我增值下。勁到,哈哈哈哈哈。」

我心諗,駛唔駛咁誇張呀。XD

但係事情仲有下文。

話說週末,張神醫MSN Msg我:

「投資銀行家P講既野誇張失實,你快D幫我澄清一下!」我從善如流,面對神醫C,當然必恭必敬:

「咁究竟邊度誇張失實左,你話我聽?無會所?無酒莊?」

「咁呢D場合你俾到錢就入得架啦,有咩特別先。」「哦。」

「仲有係細雞酒莊,唔係咩勁野。你應該係酒莊前面,加上細雞。」「咩原來係咁。XDD」

其實有咩分別,澄清前同澄清後?XD

Share