冷電

「你好,請問你需唔需要借錢呢。我地依家……」

「唔駛,我無需要啦。唔該。」

「你都未聽完我講完,點知唔需要呢,我地依家提供優惠喎。」

「咁我真係無借錢既需要,你俾咩優惠我都無用格。」

「錢喎,我地依家提供既係零息貸款,又唔收手續費,你拎完到時咪還番俾我地,無問題架喎。」

… 「咁我無急需金錢既需要囉。」

「就黎都要交稅啦,唔會有人唔需要借錢架喎。不如先生你都係聽下我講既優惠先啦。」

「不如你聽下我講完先啦。你地打Cold call 既都應該聆聽客戶既需要嘛,如果唔係盞係搞到人厭人憎啫。」

「好,先生,咁你有咩需要?」

「我咪話我咩都唔需要囉。多謝你俾咁豐富既資料我,亦都多謝你介紹一個咁好既服務俾我,但係我暫時真係無需要用住,OK?」

「但--」

「Thank you thank you 唔該晒唔該晒拜拜。」

嘟~

所以我成日都有朋友話,收呢D電話唔駛咁多口水,要即刻收線。但人地又咁可懈,為餐晏,又唔係咁好意思。唉。

Share

發表迴響

你的電子郵件位址並不會被公開。 必要欄位標記為 *