季羨林是誰?

季羨林死了。終年九十八。

但是這位國學大師的辭世,是不會為華人社會帶來衝擊的。傳媒不會就好像MJ 死時,以跨版彩頁一連幾週報導其生平、事跡及貢獻,北京大學的空地上,也不會聚集了一批學生,晚上點著蠟燭,手牽著手,以一臉悲痛,追悼這位精通十二種語言的古文字學家、歷史學家、東方學家、思想家、繙譯家、佛學家、作家。

為甚麼?因為以現今社會角度,以上一大串像士多房吊起如風乾鹹魚一樣的名稱,是”of no value”的。君不見旺角地鐵站,準會有一堆如o靚模打扮的MK,咭咭笑著,抓起生果日報,圍觀這篇只有僅僅一版的悼文,七嘴八舌地問,季羨林係邊個?呢個老野?個名好老土呀!睇下睇下,人地仲有「字」添架,咪好似孔子咁呀?個字唔識讀喎。

咪咁啦,人地好勁架,識咩印度古梵文同亞細亞既吐火羅文,好爆!我剩係識火星文渣喎。大家一陣哄笑,繼續你推我撞,眨巴著黏上假眼睫毛的大眼,拉著男友上月幾乎死掉才送的LV袋。忽然,話題轉移到升學問題。

「就快會考放榜,你打算點?」「有咩諗住點?到時先算啦。」「唔係喎,有咩計畫下,我老公都話好架,有十四分至少都試下讀下中六呀!」「咁你打算第時讀咩做咩?」「無呀……好似話依家唔興Ibank 啦喎,聽人話都係咩big4穩陣,再唔係做護士呀!可以識靚仔醫生,有無睇咁至識食呀,o個個莫樹錦成日懶型懶man咁,好搞笑架。」

一位少女忽然收起了笑容,低嘆一聲:「唉,我都係炒晒架啦,有三四分阿媽唔鬧我算笑啦。」另一位急忙安慰她:「驚咩,去做Model啦!我睇你得wor,同Angelbibi鍊過啦!」「真係?」前者立即抖擻起精神,在地鐵車廂內,故作幾個誘人動作,左扭右扭學行貓步。大夥又哈哈大笑了。報紙飄在地上,翻滾著,列車跑進了黑色的隧道。季羨林這老頭是誰?Who cares。

Share

季羨林是誰? 有 “ 8 則迴響 ”

  1. michelle: 不用慚愧,我所知也不多,只在一時也文也武而已,不用介懷。

    Beethoven: 佢尋日已經有寫。

  2. 單是精通十二國語言,那該是何等的天資聰穎和不懈的努力,更別說其他方面的研究和成就。
    在無數個萬籟俱寂的夜晚,與青燈作伴,孜孜不倦,孤身攀爬,最終在頂峰振臂高呼,試問多少人可達如此境界。現在剩下的,不過是補習天王和補習社的恩怨糾紛,為自身利益背水一戰。

發表迴響

你的電子郵件位址並不會被公開。 必要欄位標記為 *