會考 (II)

今年會考生,抗議文言文太深,看不懂,做不了閱讀理解。一看,是列子.說符篇。

牛缺者,上地之大儒也,下之邯鄲,遇盜於耦沙之中,盡取其衣裝車,牛步而去。視之,歡然無憂吝之色.盜追而問其故。曰:「君子不以所養害其所養。」盜曰:「嘻!賢矣夫!」既而相謂曰:「以彼之賢,往見趙君,使以我為,必困我.不如殺之。」乃相與追而殺之。燕人聞之,聚族相戒,曰:「遇盜,莫如上地之牛缺也!」皆受教。俄而其弟適秦。至關下,果遇盜;憶其兄之戒,因與盜力爭。既而不如,又追而以卑辭請物。盜怒曰:「吾活汝弘矣,而追吾不已,跡將箸焉。既為盜矣,仁將焉在?」遂殺之,又傍害其黨四、五人焉。

他們抗議得很對。試問在潮語、MSN 火星文、口語滿天飛下,文言文還學來幹甚麼?沒用的。要學生看得懂,得這樣出題目,才可以:

係上地,有條茂利叫牛缺,係個Professor黎。有次南下去邯鄲,係耦沙撞到班賊要打劫。結果撻晒佢d 衣衫財物,連車馬都笠埋。但牛缺竟然若無其事行左去,望下佢個樣,竟然仲開開心心,完全唔似俾人打劫咁樣。班賊偷完野,意猶未盡,居然仲問:

「喂,家陣我老笠你,你眼淚都唔見一滴,係咪Short左?」

牛缺話:「車,錢財身外物唶,係君子既,係無必要因為呢d 野而搞到打打殺殺既,你拎晒去咪算lor。」

D賊聽左,當然覺得佢戇居,但都話:「噫,你條友諗野有d Point。」但再過一陣,班賊又覺得有問題:「條友大粒ga wor,一陣去到趙國,告我地御狀,到時咪知道我地渣AK-47老笠佢,之前金鋪單野咪遲早穿埋,到時我地俾人Corner,咪P硬K?不如唔好夜長夢多喇。」結果就追番個傻仔轉頭,仲隊lum左佢添。

隔離國燕國人聽到,即刻開緊急會議,話:「再撞到賊,唔該唔好好似個傻仔咁癲喇,點都鍊過。」個個都收到。然之後屋企有個細佬去秦國,到關下,果然又遇到班賊,諗起之前班大哥咁講,梗係拚死一戰啦,死都要搶番d LV Gucci啦。D 賊邊有咁易肯俾,個細佬又再追,然後今次仲黎招態度軟化,低聲下氣問班賊……結果,d 賊就乘機發爛渣扯火話:

「我放過你,你唔駛死,都唔多謝我,仲要黎係咁追到我氣咳,你睇地下d腳印,九條街啦!依家我做賊呀,你估開善堂呀?」結果又多一個傻仔死埋,佢D 死黨亦RIP。

這樣,一定皆大歡喜。

Share

會考 (II) 有 “ 8 則迴響 ”

  1. 哇!!!2 thumbs up ar!!!
    我已經有兩年沒有再深究語文了,剛剛讀文言文真是有難度!唉..

  2. 浪子M : yes.. 賊都要自我增值, 唔識幾句英文點得!

    Beethoven : 唔得ga.. 我呢度可能好多小朋友睇緊ga. LOL

    小點: 你都用潮語ar… oh my lady gaga… 癲jor. XDD

    Kima: Many thx for your thumbs up!
    其實文言文係一定要睇唔明ga.. 個個睇得明就做左古人la!

發表迴響

你的電子郵件位址並不會被公開。 必要欄位標記為 *