曹操都有知心友

我知我以下落黎寫嘅呢篇野有少少刻薄,不過我真係想講,唔係又係覺得不吐不快。

最近我睇娛樂版,話歌手M開演唱會。咁人地話晒都仲叫做受歡迎嘅歌手,開演唱會,好出奇咩?本來,的確係唔值得驚奇嘅,不過,報紙竟然話,當大會開始接受市民買飛嘅時候,竟然出現一大堆Fans通宵排隊等候嘅情況。而當我睇到呢度,已經忍唔住要係心入面嗌一句,「嘩,唔係呀嘛」嘅時候,竟然仲見到歌手M當場接受記者嘅訪問,話佢知道有忠實擁躉群起支持,喜不自勝,爆出一句:「真係估唔到原來我咁襟撈!」

老實講一句,我當然都「估唔到」之餘,仲會即刻九秒九內產生懷疑,究竟班友仔係咪神志出現問題,定係有關當局刮番黎做媒嘅,等等。歌手M 自出道以黎,因為幾首好歌大紅,但試問佢有邊幾次唱Live係無走過音?唔單止咁,有幾次甚至唱得極之難聽,一定衰過超級巨聲落選個班之餘,更令人幾乎心生鬱悶,噴血當場。不過可能因為佢人際關係好,心地亦應該唔差,所以隨時唱唱下大笑,又或者激動落淚,無法成歌成句,都可以胡混過去。能夠做到咁,都可以成為歌星,真係比Joey忽然變靚,更為異數。

寫到呢度,我真係好想問班撲飛友,究竟駛辛辛苦苦搵番黎嘅錢(甚至只係老豆阿媽嘅錢), 入場聽晚走音Show,可以有幾大滿足感?我知,一定又會有人指責我話,你呢d懶係理性分析,有咩用?人地鍾意咪鍾意囉。岩嘅,只係我覺得有點兒那個啫,出道咁耐,歌藝無絲毫寸進,居然仲可以自詡自己襟撈。面皮內家功之深厚,令人十分佩服;或者,調番轉頭諗,係呢個社會,都值得學習既……

Share

曹操都有知心友 有 “ 4 則迴響 ”

  1. 可以用天真同傻黎形容你(呢篇文)

    Marketing Event黎,唱片公司俾錢叫人排隊買飛做勢,好常見cher..
    當初日本Mcdonald賣足三兩hamburger都有咁做,搞到Ginza排足幾條街
    另公司上巿搵Cornerstone investor同樣道理…

發表迴響

你的電子郵件位址並不會被公開。 必要欄位標記為 *